Léttu pokaryksugurnar okkar eru hannaðar til að vera einstaklega skilvirkar, sem gerir það auðveldara að ryksuga og er betra fyrir umhverfið. Margar pokalausar ryksugur eru með hvirfilhólfi en þær eru orkufrekari sem þýðir að þær eyða rafhlöðunni hraðar ef um þráðlausa ryksugu er að ræða.

Pokaryksugurnar okkar halda rykinu og óhreinindunum í pokanum frekar en í hólfi – það hjálpar þeim að viðhalda soginu betur en hvirfilryksugur og stuðlar að betri þrifum. Ef sogið er á hæsta styrk tekur minni tíma að þrífa en með ryksugu með litlu sogi og þannig nota þær minni orku. Það þýðir að pokaryksugurnar okkar eru sparneytnari. Auk þess lengir þetta endingartíma ryksugunnar og gerir hana þannig umhverfisvænni.

Verum hreinskilin, ryksugupokar hafa ekki mjög gott orðspor! Litið var á þá sem dýra og illfáanlega. En þú þarft hvorki að greiða of fjár né leita í hillum stórmarkaða. Gtech HyLite ryksugupokarnir fást á netinu. Þeir eru einnig mjög ódýrir, 15 saman í pakka kosta aðeins XX kr. Einnig er hægt að kaupa Gtech Pro ryksugupokana á netinu þar sem 10 saman í pakka kosta aðeins XX kr. Þar að auki geturðu fengið þá senda heim til þín eftir aðeins nokkra daga sem gerir þrifin enn auðveldari. Skoðaðu skilmála og skilyrði um afhendingu hér.

Eitt af því besta við pokaryksugur er að það þarf ekki að hugsa um neinar síur. Sumar ryksugur eru með síum sem þarf að þrífa mánaðarlega eða skipta reglulega út.

Í pokaryksugunum er nóg að skipta um poka þegar hann fyllist (og hann endist lengur en maður heldur). Hver poki gegnir í raun hlutverki síu og fangar óhreinindi og ryk þannig að nýr poki tryggir fullkomin þrif.Þriggja laga pokarnir eru sérhannaðir til að rifna ekki svo ólíklegra er að það komi gat á þá við notkun eða förgun. Það tryggir aukið hreinlæti sem er fullkomið fyrir barnaheimili! Pokarnir fanga óhreinindi og ryk innan laganna þriggja sem dregur úr hættunni á rykskýi þegar þeim er fleygt. Þetta kemur sér sérlega vel fyrir fólk með ofnæmi þar sem rykið getur innihaldið frjókorn sem helst inni í pokunum. Pokarnir stuðla einnig að betra hreinlæti. Enginn vill að óhreinindin sleppi aftur út úr ryksugunni eftir að hafa eytt tíma í að fjarlægja þau. Þetta á við um hár, frjókorn og rykmaura – allt sem þú vilt ekki að losni úr ílátinu. Þar að auki þarftu ekki að ryksuga aftur í kringum ruslatunnuna þar sem minni hætta er á að ryk sleppi út þegar ryksugan er tæmd.

Það er ekki nóg að tala um að koma í veg fyrir loftslagsbreytingar, við þurfum öll að leggja okkar af mörkum. Þess vegna eru pokarnir okkar umhverfisvænir.

Pokarnir eru gerðir úr efni sem andar og það gerir þá umhverfisvænni í samanburði við pokalausar ryksugur. Eins og áður var nefnt gera pokarnir það auðveldara og hreinlegra að tæma ryksuguna, þar sem minni hætta er á að ryk sleppi út þegar þeim er fleygt. Tæma þarf úr mörgum pokalausum ryksugum í plastpoka til þess að koma í veg fyrir að óhreinindin fari út um allt. Trúirðu því ekki? Skoðaðu notendaleiðbeiningarnar með pokaryksugunni þinni. Oft er mælt með því að tæma ryksugurnar með þessum hætti svo óhreinindi fari ekki út um allt en þetta eykur plastnotkun og er miklu verra fyrir umhverfið.

Pokaryksugur eru með poka sem eru settir í óhreinindahólfið. Það ver ryksuguna sjálfa gegn því að í henni safnist upp fita sem er í heimilisóhreinindum. Hugsaðu um allt sem þú þrífur á venjulegri viku, allt frá matarleifum til hárs og ryks. Nýjasta smáryksugan okkar er laus við allt slíkt.

Pokalausar ryksugur eru ekki með neitt til að vernda óhreinindahólfin sem þýðir að þær eru líklegri til að stíflast með tímanum. Pokaryksugur skemmast ekki með sama hætti svo hægt er að nota þær mun lengur án þess að afköst þeirra séu takmörkuð og þar að auki endast þær lengur. Í hnotskurn þurfa pokaryksugur miklu minna viðhald og svo eru þær mun auðveldari í notkun til lengri tíma litið…

Á sorpstöðvum má víða finna fullt af pokalausum ryksugum sem eru ekki ónýtar en hafa ekki fengið viðeigandi viðhald. Sumir velja pokalausar ryksugur en nenna svo ekki að sinna því viðhaldi sem þær krefjast, eins og að þrífa síurnar. Það er vandamálið við of flókin tæki í óhreinu umhverfi – ef þau fá ekki rétta umhirðu endast þau ekki lengi!